Die (3-ster) losstaande 6-bedselfsorgeenhede het twee aparte slaapkamers met ʼn dubbelbed in die hoofslaapkamer en twee enkelbeddens in die ander kamer. Die oopplankombuis/woonvertrek het ʼn dubbelslaapbank of twee enkelslaapbanke wat geskik is vir persone tot 18 jaar. Daar is ʼn stort in die badkamer met ʼn 2-plaatstofie of ministoof-en-oondkombinasie in die kombuis. Hierdie eenhede is ten volle toegerus vir ses persone met lugversorging in die woonvertrek en in die hoofslaapkamer.

Die (4-ster) losstaande 6-bedselfsorgeenheid het twee aparte slaapkamers met ʼn dubbelbed in die hoofslaapkamer en twee enkelbeddens in die ander kamer. Verder beskik die hoofslaapkamer oor ’n en suite-badkamer, met ’n bad en in die tweede badkamer is daar ʼn stort. Die oopplankombuis/woonvertrek het twee enkelslaapbanke (wat geskik is vir persone tot 18 jaar) met ʼn 2-plaatstofie of ministoof-en-oondkombinasie in die kombuis. Hierdie eenheid is ten volle toegerus vir ses persone met lugversorging in die woonvertrek en in die hoofslaapkamer.