Hierdie losstaande huise bestaan uit een vierbedeenheid, een sesbedeenheid en agtslaapeenhede. Die agtslaapselfsorgeenhede het drie aparte slaapkamers met ʼn dubbelbed in die hoofslaapkamer, twee enkelbeddens in die tweede kamer met twee stapelbeddens vir vier persone in die derde kamer. Drie van die agtslaapeenhede se hoofslaapkamer is toegerus met ’n dubbelbed en die ander twee kamers met stapelbeddens vir onderskeidelik twee en vier persone. Die sesbedeenheid het twee aparte slaapkamers met ʼn dubbelbed in die hoofslaapkamer, twee enkelbeddens in die tweede kamer en twee slaapbanke in die leefarea. Die vierbedeenheid het ’n dubbelbed in die slaapkamer en in die oopplankombuis/woonvertrek twee enkelslaapbanke wat geskik is vir persone tot 13 jaar.

Die Vishoekhuise se badkamers het storte. Die kombuise het elkeen ʼn stoof met ’n oond en die eenhede is ten volle toegerus vir onderskeidelik agt, ses en vier persone. Al die eenhede het lugversorging.